आठवणी....

क्षणात येती आठवणी अन घन ओथंबून जाती....

प्राजक्त, मोगरा बकुळ शहारतो अन कधी कधी काटे हि बोचती

मंद स्मित, सुहास्य वदन, अवखळ ते मंजुळ गान....
हृदय उपाशी, मन भरलेले तृप्त आसवांच्या खजीन्यानी

आनंदाचे, सुख दुखाचे, सहर्ष आणिक क्षणिक सुखाचे...
चिंब होऊनी धुंद पिसारा मोर येथे अवचित कुणाचा नाचे ?

सतार छेडी अनवट ताना, मंजुळ स्वर ते बासरीचे....
तरीही गुंजते व्होयलीन ते विरहिणी मग कोण छेडे ?

मधूनच वाजे शीळ अन्तरीची, खट्याळ तरीही बापुडवाणी...
तवंग उठती पाण्यावरती आणिक थवे उडती पक्षांचे

अरे हि तर माझी गुपचूप डायरी, सांभाळलेली प्रेमभरे...
मी मलाच पाठवलेल्या पत्रांची अलगद मजला मग मिठी पडे!

आपला अमर,