माझ्या इवल्याश्या हृदयात...

माझ्या इवल्याश्या हृदयात
अव्यक्त लुकलुकणारे तारे
आशेने निरखतात रोज तुला
माझ्या चिन्हांकित मुद्रांचा ठसा
तुझ्या हृदयावर उठवण्यासाठी....

पण होत नाही मान तुझी वर
त्यांची दखल घेण्यासाठी
आणि झालीच तर मग
तुही बघतेस लुकलुकत्या नजरेने
तुझ्या नवीनच लागलेल्या चष्म्यातून
थोडासा अंदाज घेण्यासाठी
जणू एखादे साप्ताहिक भविष्यच...

तिथेच थांबतो प्रवास तुझा
मग परत बिझी बिझी
माझी नक्षत्रे मात्र लुकलुकतच राहतील
कारण अगदी सोप्प आहे
त्याना कुठलाच अंदाज बांधायचा नसतो
दिवसाचा, आठवड्याचा किंवा वर्षाचा
आणि चीन्हांचच म्हणशील
तर ती कधीच बदलत नाहीत
तुझ्या हृदयातील ऋतूं सारखी
कारण अगदी सोप्प आहे...

आजकाल ऋतूंचा भरवसा
कोणीच ठेवत नाहीत...

अगदी तू सुद्धा !!!

तुझा अमर,